Bilaketaren emaitzak - Calogero, Guido

Guido Calogero

Guido Calogero (Erroma, 1904ko abenduaren 4a - ''ib.'', 1986ko apirilaren 17a) italiar filosofoa izan zen.

Filosofiaren Historiaren irakasle izan zen Florentzia, Pisa eta Erromako unibertsitateetan. Gogor borrokatu zen faxismoaren aurka, eta aktibismo horretantxe oinarritu zuen bere filosofia, liberal-sozialismoaren bidetik joz, betiere. ''Presentzialismo'' izenaz bataiatu zuen bere pentsaera, eta errealitatea pentsatzearen ekimenarekin lotzen ahalegindu zen —garaikide izan zuen Giovanni Gentile faxistak ez bezala—, hau da, ''logos'' konkretuarekin, ez ''logos'' abstraktuarekin. Hauek dira Calogeroren idazlan nagusiak: ''I fondamenti di la logica aristotelica'' (1927, ''Logika aristotelikoaren oinarriak''), ''La conclusione della filosofia del conoscere'' (1938, ''Ezagutzaren filosofiaren ondorioak''), ''Il metodo dell´economia e il marxismo'' (1944, ''Ekonomiaren metodoa eta marxismoa''), ''Difesa del liberalsocialismo'' (1945, ''Sozial-liberalismoaren defentsa''), ''Lezioni di filosofia'' (hiru liburuki, 1946-48, ''Filosofia ikasgaiak''), ''Verità e libertà'' (1960, ''Egia eta askatasuna''). Wikipediatik informazioa lortu